“Brent” markalı neftin bir barrelinin qiyməti yenidən psixoloji hədd sayılan 40 dolları ötüb.
“Brent”in qiyməti həftənin əvvəlində Çindəki sənaye şirkətlərinin mənfəətinin stabil vəziyyətə qayıtması ilə 40,97 dollaradək bahalaşandan sonra həftə ərzində 39-40 dollar aralığında dəyişmişdi. Lakin ABŞ-ın Federal Ehtiyat Sisteminin sədri Canet Yellenin iqtisadiyyatın qarşısındakı çətinliklərə işarə etməsi və faiz artımında təmkinli olmağın vacibliyini bildirdikdən sonra “Brent” 38 dollaradək ucuzlaşmışdı.
Bu günə isə Asiya bazarlarında 40,07 dollardan satışa çıxarılan “Brent” neftinin qiyməti hazırda Londonun İCE (“İnterContinental Exchange Futures”) birjasında 40,12 dollardır
Azertag
