Amerika qəhvəxana şəbəkəsi “Starbucks” 1100 ofis işçisini və ya ümumi işçilərin təxminən 7%-ni ixtisar etdiyini açıqlayıb. Bu barədə şirkətin baş direktoru Brayan Nikkol məlumat verib.
Cənab Nikkol ixtisarları şirkətin əməliyyatlarının optimallaşdırılması və sadələşdirilməsinin zəruriliyi ilə izah edib. Onun sözlərinə görə, “Starbucks”ın müxtəlif bölmələri bir-birinin fəaliyyətini təkrarlamağı dayandıracaq və şirkətin işi “kiçik, lakin çevik komandalar” üzərində qurulacaq.
Son bir neçə rüb “Starbucks” üçün çox da uğurlu olmayıb, belə ki, satışlar azalmağa davam edib. Analitiklərin fikrincə, ötən il baş direktorun dəyişməsi də bununla əlaqəli olub.
