Azərbaycan Respublikası Dövlət Neft Şirkəti (SOCAR) milli enerji şirkətinə çevrilməyi hədəfləyir.
Bunu Milli Məclisin Təbii ehtiyatlar, energetika və ekologiya komitəsində keçirilən “Enerji səmərəliliyi: nəticələr və gözləntilər” mövzusunda ictimai müzakirədə SOCAR vitse-prezidentinin müavini Teymur Quliyev deyib.
Teymur Quliyev bildirib ki, bugün SOCAR daha çox ənənəvi neft və qaz şirkətidir: “Ancaq növbəti 10 ildə məqsəd qoymuşuq ki, SOCAR aparıcı milli enerji şirkətinə çevrilsin və 2050-ci ildə artıq yerli, regional deyil, qlobal miqyasda enerji təhlükəsizliyinə və iqlim davamlılığına töhfə verən enerji şirkəti olsun. Bizim hədəflərimiz yalnız 2050-ə qədər deyil, ortamüddətli hədəflərimiz də var”.
