ABŞ prezidenti Donald Tramp hesab edir ki, Ukrayna hakimiyyəti Rusiya ilə sülh müqaviləsi bağlamaq istəyir, çünki onun seçimi yoxdur. Eyni zamanda o, Rusiya tərəfinin də oxşar mövqedə olduğunu iddia edir.
“Ukrayna müqavilə əldə etmək istəyir, çünki onun seçimi olmadığını düşünürəm. Mən həm də hesab edirəm ki, Rusiya da razılığa gəlmək istəyir, çünki müəyyən mənada – bunu yalnız mən bilirəm – onun da seçimi yoxdur”, – Tramp söyləyib.
2022-ci ilin oktyabrında Ukrayna prezidenti Volodimir Zelenski Rusiya prezidenti Vladimir Putin prezident olduğu müddətdə onunla danışıqların mümkünlüyünü istisna edən fərman imzalayıb. Cənab Putin bildirib ki, bu, istənilən danışıqlar prosesini qeyri-legitim edir.
Bu həftə Donald Tramp cənab Zelenskinin, eləcə də Rusiyanın danışıqlar masası arxasına oturmağa hazır olduğunu açıqlayıb. Lakin o, hesab edir ki, həm Moskva, həm də Kiyev güzəştə getməlidir.
