Bank olmayan kredit təşkilatı “Aset Maliyyə Texnologiyaları” MMC-nin nizamnamə kapitalı kəskin fərqlə artırılıb və tənzimləyicinin minimal tələbinə uyğunlaşdırılıb.
Banker.az xəbər verir ki, bununla da nizamnamə kapitalı 400 000 manatdan 1 000 000 manata qaldırılıb.
Bununla da kapital 600 000 manat və ya 150 faiz artımı deməkdir.
Mərkəzi Bankın son dəyişikliyə əsasən, BOKT-lar üçün nizamnamə kapitalı tələbi 3 dəfədən çox artırılıb. Belə ki, kapital tələbi kommersiya hüquqi şəxsi formasında yaradılan BOKT-lar üçün 300 min manatdan 1 milyon manata, qeyri-kommersiya hüquqi şəxsi formasında yaradılan BOKT-lar üçün isə 30 min manatdan 100 min manata çatdırılıb.
Xatırladaq ki, şirkət 2017-ci ildə təsis edilib və nizamnamə kapitalının 100%-i Elçin Bağırov Hüseyn oğluna məxsusdur.
