UBS bankının analitikləri qızılın qiymətinin gələcək dörd rüb ərzində 3200 dollardan yuxarı qalxacağını gözləyirlər. Onların fikrincə, geosiyasi risklər və beynəlxalq ticarət müharibələri qızılın bahalaşmasına səbəb olacaq.
“Bizim uzunmüddətli 3000 dollar hədəfimizə çatıldıqdan sonra əsas sual budur: rallinin davamı gələcəkmi? Biz hesab edirik ki, bəli, çünki siyasi risklər və böyüyən ticarət münaqişəsi qoruyucu aktivlərə olan tələbatı artırır.”
🔹 İnvestisiya bankı ABŞ-da genişmiqyaslı ticarət müharibəsinin baş vermə ehtimalını 25%-dən 35%-ə qaldırıb və proqnozun daha pessimist ssenariyə dəyişməsini istisna etməyib. Lakin son qərar 2 aprel tarixindən asılıdır, çünki həmin gün Donald Tramp administrasiyası əlavə idxal rüsumlarını tətbiq etməlidir.
🔹 Qızıl ötən cümə günü 3000 dollarlıq psixoloji həddi keçib, hazırda bu səviyyədə qalır. 2000 dollar həddi isə nisbətən yaxın keçmişdə – pandemiya dövründə aşılmışdı.
🔹 Qızıl ABŞ iqtisadi perspektivlərinin pisləşməsindən də faydalanır, çünki bu, FED-in faiz dərəcələrini əlavə olaraq azaltmaq ehtimalını artırır və nəticədə borc kağızlarının cəlbediciliyini azaldır.
