Şəhla Yusifzadə 2025-ci ilin mart ayında VŞQ-nin Baş İcraçı Direktorunun (CEO) Qida təhlükəsizliyi, texniki tənzimləmə və keyfiyyət məsələləri üzrə müşaviri vəzifəsinə təyin olunub.
Banker.az xəbər verir ki, 2022-ci ilin oktyabr ayından Veysəloğlu Şirkətlər Qrupunda fəaliyyətə başlayan Şəhla Yusifzadə əvvəl Keyfiyyət Təminatı Departament müdiri, daha sonra Keyfiyyət Auditi Departament müdiri vəzifələrində çalışıb.
Şəhla Yusifzadə 1994-1998-ci illərdə Bakı Əmtəəşünaslıq-Kommersiya İnstitutunun “Qida məhsullarının texnologiyası” ixtisası üzrə bakalavr təhsili, 1998-2000-ci illərdə Azərbaycan Dövlət İqtisad Universitetində təhsilini elə həmin ixtisas üzrə magistratura pilləsində davam etdirib.
2019-2022-ci illər ərzində Azərbaycan Respublikasının Qida Təhlükəsizliyi Agentliyinin Sumqayıt regional bölməsində bir müddət rəis müavini, daha sonra isə rəisi, Agentliyin Aparatında “Qida zəncirinə nəzarət və regional bölmələrlə iş” şöbəsində, Agentliyin Bakı regional İdarəsində “Qida təhlükəsizliyinə nəzarət” şöbəsinin müdiri vəzifələrində işləyib.
