Bakı Fond Birjasının (BFB) Listinq Komitəsinin qərarı ilə “ALPA” ASC-nin səhmlərin 20 avqust 2025-ci il tarixində yerləşdirilməsi yekunlaşıb.
Banker.az xəbər verir ki, cəmi bir investor müştəri çıxıb.
Şirkətin nizamnamə kapitalı 5 000 manatdır və səhmlərin 100 faizi İsmayılova Sima Şirin qızına məxsus idi. O, Azərbaycan Tibb Universitetində pediatr ixtisası üzə ali təhsil alıb. Sima İsmayılova yeni səhmlərin alışında iştirak etməzsə onun şirkətdə payı 2.44%-ə düşəcək.
Yeni səhmlərdən sonra şirkətin nizamnamə kapitalı 205 min manata qaldırlacaq.
Şirkətin müştəri bazasına SOCAR-a bağlı şirkətlər, xüsusi tikinti podratçıları, elektrik enerjisi istehsalı və paylanması sahəsində fəaliyyət göstərən qurumlar, eləcə də sənaye istehsalçıları daxildir. Bu sektorlardakı daimi infrastruktur ehtiyacları, dövlət investisiyaları və özəl sektorun inkişafı şirkətin məhsullarına olan tələbatı davamlı edir.
Səhmlər üzrə məlumat aşağıdakı kimidir:
| Emitentin adı | “ALPA” ASC |
| Dövlət qeydiyyat nömrəsi – İSİN | AZ1001026678 |
| Səhmin növü və forması | Adi, adlı, sənədsiz səhm |
| Ticarət üsulu / forması | Kütləvi / Abunə yazılışı |
| Səhmlərin sayı | 80 ədəd |
| İlkin ticarət qiyməti | 2,500 AZN |
| Buraxılış həcmi | 200,000 AZN |
| Hərrac qiyməti | 2,500 AZN |
| Reallaşdırılmış həcm | 200,000 AZN |
| Sifarişlərin ümumi həcmi (nominal qiymətlə) | 200,000 AZN |
| İnvestor sayı | 1 |
| Sifariş sayı | 1 |
| Ticarətə buraxılma tarixi | 20.08.2025 |
| Anderrayter | “Assist Finance İnvestisiya Şirkəti” ASC |
