Çində istehlak qiymətləri indeksi 2024-cü ilin avqust ayı ilə müqayisədə 0.4% aşağı düşüb. Səkkiz ay ərzində göstərici ötən ilin eyni dövrü ilə müqayisədə 0.1% azalıb.
Şəhərlərdə avqust ayında deflasiya 0.3%, kənd yerlərində isə 0.6% təşkil edib. Ərzaq məhsulları 4.3% ucuzlaşıb, qeyri-ərzaq məhsulları isə 0.5% bahalaşıb. İstehlak malları 1% düşüb, xidmətlər isə əksinə, 0.6% artıb.
Ən çox ucuzlaşma tərəvəz və göyərtidə (15.2%), yumurtada (12.4%) və ət məhsullarında (8%) müşahidə olunub. Xüsusilə, donuz əti 16.1% ucuzlaşıb. Süd məhsulları da 1.6% azalıb. Alkoqollu içkilərin qiyməti 1.9% enib. Nəqliyyat və rabitə 2.4% ucuzlaşıb.
Avqust ayında istehsalçı qiymətləri indeksi illik ifadədə 2.9% azalıb. Rəsmi proqnoza görə, Çində 2025-ci ildə inflyasiya təxminən 2% olacaq.
