ABŞ Xəzinədarlığının saxladığı qızıl ehtiyatlarının təxmini dəyəri 1 trilyon dolları ötüb.
Bu barədə “Bloomberg” məlumat yayıb.
Məlumata görə, bu, ilin əvvəlindən qiymətli metalın dəyərində 45% artımı sayəsində mümkün olub.
ABŞ Xəzinədarlığının məlumatına görə, ölkə 261,5 milyon unsiya və ya 8,100 ton qızıla malikdir. Bu göstərici üzrə ölkə dünyada ilk yerdədir. Almaniya ikinci (3400 ton), İtaliya üçüncü (2500 ton), Fransa dördüncü (2400 ton), Rusiya və Çin isə beşinci yerdədir (2300 ton).
