Əfqanıstanın bütün ərazisində internetə çıxış kəsilib, bu barədə “NetBlocks” monitorinq xidməti bildirib. 2021-ci ildən ölkədə hakimiyyətdə olan “Taliban” hərəkatı internetin kəsilməsini “əxlaqsızlığın qarşısını almaq”la izah edib.
“NetBlocks”un məlumatına görə, Əfqanıstanda həmçinin mobil rabitənin işində də problemlər müşahidə olunur.
Sentyabrın 17-də “Taliban”ın lideri Haybatullah Axundzadə Əfqanıstanın Balx vilayətində optik interneti qadağan edib. Sonradan qadağa digər bölgələrə də yayılıb. Ölkə hökuməti bununla əxlaqsızlığın yayılmasına qarşı mübarizə apardıqlarını bəyan edib.
