ABŞ-nin avtomobil istehsalçısı “Ford” şirkəti təhlükəsizlik kəmərlərində və arxa görüntü kamerasının ekranında müəyyən edilən nasazlıqlara görə ölkə daxilində təxminən 625 min avtomobili geri çağırmağı planlaşdırır.
Bu barədə məlumatı “Reuters” agentliyi ABŞ-nin Avtomobil Yollarında Hərəkətin Təhlükəsizliyi üzrə Milli Administrasiyasına (NHTSA) istinadən yayıb.
Məlumata əsasən, geri çağırılma 332 mindən çox “Ford Mustang” modelini – təhlükəsizlik kəməri ilə bağlı nasazlıq aşkarlanan avtomobilləri, eləcə də arxa görüntü kamerasının displeyində problem olan təxminən 292 min “Ford F-250”, “Ford F-350” və “Ford F-450” pikapını əhatə edəcək.
