Mənzil İnşaatı Dövlət Agentliyi (MİDA) Naxçıvanda yaşayış kompleksi inşa edəcək.
Bunu jurnalistlərə açıqlamasında MİDA-nın mətbuat katibi Diana Dadaşova deyib.
O qeyd edib ki, MİDA Bakının Suraxanı rayonunun Hövsan qəsəbəsində 2,31 hektar torpaq sahəsində yeni binaların inşasına başlayıb:
“Bununla yanaşı Hövsan qəsəbəsində 5,83 hektar torpaq sahəsində və Abşeronun Saray qəsəbəsində 4,5 hektar torpaq sahəsində də yeni yaşayış komplekslərinin tikintisinə başlanılması üçün sənədləşdirmə işləri həyata keçirilir. Paralel olaraq MİDA-nın növbəti layihələrindən birinin Naxçıvan şəhərində reallaşdırılması nəzərdə tutulub. Hazırda bu yeni yaşayış kompleksinin layihələndirmə işləri həyata keçirilir”.
