Ankara Türkiyənin gəmiçilik təhlükəsizliyinə nəzarət sisteminin fəaliyyət dairəsini Qara dənizə də yaymağı planlaşdırır. Bu barədə respublikanın nəqliyyat və infrastruktur naziri Abdülkadir Uraloğlu NTV telekanalının efirində bildirib.
“Biz gəmiçilik təhlükəsizliyi sahəsində ciddi səylər göstəririk. Monitorinq sistemimizin fəaliyyət göstərdiyi Dardanel boğazında olduğu kimi, Bosfor boğazında da gəmilərin keçidinə nəzarət edirik. Radarlar vasitəsilə bu nəzarət xidmətlərini bütün Mərmərə dənizi ərazisinə genişləndirəcəyik. Planlarımızda bu sistemi Qara dənizə də tətbiq etmək var”, — deyə nazir qeyd edib.
Onun sözlərinə görə, hakimiyyət orqanları vəziyyəti “Mersindən Kiprə qədər olan ərazidə” daha yaxşı izləmək üçün bu nəzarət sisteminin Şərqi Aralıq dənizində təcili şəkildə tətbiqinə başlamağı da planlaşdırır.
