London Metal Birjasında (LME) mis üzrə üç aylıq kontraktın qiyməti tarixi maksimumu yeniləyərək ton başına 12 min dollara çatıb. Bu barədə ticarət məlumatları göstərir.
Bakı vaxtı ilə saat 14:47-yə olan məlumata görə, mis fyuçerslərinin qiyməti 0,96% artaraq ton başına 12 025 dollar olub. Saat 14:53-də isə misin artım tempi zəifləyib və qiymət ton başına 12 011 dollar səviyyəsində qərarlaşıb (+0,84%).
