Qlobal iqtisadi göstəricilərlə bağlı bəzi proqnozlar gözləniləndən daha nikbin olsa da, dünya iqtisadiyyatı yeni risklərlə üz-üzədir.
Bu sözləri Avropa Mərkəzi Bankının prezidenti Kristin Laqard Çinin “CGTN” televiziyasına müsahibəsində deyib. Qurum rəhbəri dünya iqtisadiyyatının üzləşdiyi təhdidlər arasında iqlim dəyişikliyini də qeyd edib.
“Mən deyərdim ki, bir nömrəli təhlükə geosiyasi parçalanma, insanların iqtisadiyyata inamının sarsılmasıdır. İkinci problem xüsusilə süni intellekt sayəsində rəqəmsallaşmanın bizim iqtisadiyyatlarımızı demək olar ki, bütün sektorlarda nə dərəcədə sürətlə dəyişdirməsidir. Düşünürəm ki, unutmamalı olduğumuz, hələ də mövcud olan, son zamanlar bir qədər ikinci plana keçən, lakin hələ də davam edən üçüncü məqam iqlim dəyişikliyi təhlükəsidir. Bütün bunların fonunda təhlükəsizliklə bağlı narahatlıqlar, istər hərbi təhlükəsizlik məsələləri, istərsə kibertəhlükəsizlik məsələləri var ki, bütün cəbhələrdə ön plana çıxır”, – deyə bank rəhbəri vurğulayıb.
