ABŞ prezidentinin xüsusi elçisi Stiven Uitkoff İsveçrəyə gəlib. Bu barədə təyyarənin eniş etdiyi Cenevrə beynəlxalq hava limanındakı mənbə məlumat verib.
Cenevrədə İran və ABŞ arasında nüvə dosyesi üzrə danışıqların üçüncü raundunun keçirilməsi planlaşdırılır. Gözlənilir ki, İran nümayəndə heyətinə xarici işlər naziri Abbas Əraqçi, Amerika nümayəndə heyətinə isə Uitkoff rəhbərlik edəcək.
Ötən həftə ABŞ prezidentinin xüsusi elçisi Ukrayna üzrə üçtərəfli danışıqlarda iştirak etmək üçün də Cenevrəyə gəlmişdi. Həmin vaxt İran və ABŞ nümayəndələri arasında dolayı danışıqların ikinci raundu da keçirilmişdi.
