The Wall Street Journal-ın mənbələrə istinadən yazdığına görə, Birləşmiş Ərəb Əmirlikləri hakimiyyəti ölkə ərazisində saxlanılan və milyardlarla dollar dəyərində olan İran aktivlərinin dondurulması imkanını nəzərdən keçirir. Mənbələrin sözlərinə görə, belə addım Tehranın xarici valyutaya və qlobal ticarət şəbəkələrinə çıxışını ciddi şəkildə məhdudlaşdıra bilər.
Hələlik BƏƏ-nin İran aktivlərini nə vaxt dondura biləcəyi məlum deyil. Bundan əvvəl Əmirliklərin hakimiyyəti beynəlxalq sanksiya sisteminə əməl etdiyini və qlobal maliyyə sisteminin bütövlüyünü qorumaqda qətiyyətli olduğunu bəyan etmişdi.
WSJ-nin bir neçə mənbəsi əlavə edib ki, BƏƏ hakimiyyəti həmçinin İranın qeyri-qanuni əməliyyatlarının qarşısını almaq üçün əlavə tədbirlər görməyi də nəzərdən keçirir. Bu tədbirlər sırasında ABŞ-də qeydiyyatdan keçmiş kölgə şirkətlərinin aktivlərinin dondurulması, eləcə də rəsmi bank kanallarından kənar pul köçürmələri üçün istifadə olunan yerli valyuta mübadilə məntəqələrinə məhdudiyyətlərin tətbiqi var. Mənbələrin bildirdiyinə görə, belə tədbirlər tətbiq olunarsa, hədəf əsasən İslam İnqilabı Keşikçiləri Korpusu ilə əlaqəli hesablar olacaq.
Bundan əlavə, maliyyə sanksiyaları ilə yanaşı, BƏƏ İranın “kölgə donanmasına” zərbə vurmaq məqsədilə İran gəmilərinin ələ keçirilməsi imkanını da nəzərdən keçirir.
