Rumıniya ABŞ-yə öz ərazisində müvəqqəti olaraq hərbi qüvvələr yerləşdirməyə icazə verib. “Bloomberg” yazır ki, söhbət Yaxın Şərqdəki əməliyyatlar üçün istifadə olunacaq qırıcı təyyarələr və təxminən 500 hərbçidən gedə bilər.
Agentlik xatırladır ki, bu addım ABŞ-nin 2025-ci ilin oktyabrında “müdafiə prioritetlərinin” yenidən nəzərdən keçirilməsi səbəbindən Rumıniyadakı qoşunlarının sayını azaltmaq qərarından sonra atılıb.
Qırıcı təyyarələrin Rumıniyaya köçürülməsi ilə bağlı sorğu Madridin ABŞ-yə İrana qarşı hərbi əməliyyat çərçivəsində öz bazalarından istifadə etməyə icazə verməkdən imtina etməsindən sonra göndərilib.
ABŞ və İsrail fevralın 28-də İrana qarşı hərbi əməliyyata başlayıb. Buna cavab olaraq Tehran Fars körfəzində yerləşən ABŞ hərbi bazalarına zərbələr endirməyə başlayıb. Dünən isə İslam İnqilabı Keşikçiləri Korpusu müharibənin nə vaxt başa çatacağını özünün müəyyən edəcəyini bəyan edib.
