Azərbaycan banklarında 2026-cı ilin birinci rübündə manatla cəlb edilmiş yeni depozitlərin illik orta faizi yanvar ayında 6.77% olduğu halda, martda 8.17%-ə yüksəlib.
Banker.az bunu Azərbaycan Mərkəzi Bankının statistik bülletninə istinadən xəbər verir.
Xarici valyutada depozitlər üzrə isə ötən ilin sonu 2.86%, fevralda 2.87% və martda 2.97% səviyyəsində orta illik faiz qeydə alınıb.
Yeni verilmiş kredit bazarında isə fərqli mənzərə formalaşıb. Manatla kreditlərin orta illik faizi yanvarda 18.68% təşkil edib, fevralda 18.87%-ə yüksəlib, martda isə 18.79%-ə qədər yüksəlib. Xarici valyutada kredit faizləri isə yanvarda 6.39%, fevralda 6.16% və martda 6.57% olub.
