Avropa İttifaqı (Aİ) ölkələri ABŞ ilə ticarət sazişi üzrə öz aralarında razılığa gələ bilməyiblər. Bu barədə “Bloomberg” yazıb.
Mayın 6-da axşam saatlarında Avropa Parlamenti nümayəndələri və Aİ ölkələri arasında görüş keçirilib. Danışıqlar zamanı Avropa rəsmiləri 2025-ci ilin iyulunda bağlanmış sazişə dəyişiklikləri müzakirə ediblər.
“Lakin hazırda Aİ Şurasına sədrlik edən Kiprin sözlərinə görə, yekun qərarlar qəbul olunmayıb”, — materialda deyilir.
Mayın 1-də Donald Tramp Avropa İttifaqından idxal olunan avtomobil və yük maşınlarına tariflərin 25%-ə qaldırılacağını açıqlayıb. Onun sözlərinə görə, Aİ ticarət sazişinin şərtlərinə əməl etməyib.
Vaşinqton və Brüssel arasında ticarət sazişi 2025-ci il avqustun 21-də bağlanıb. Saziş ABŞ-yə idxal olunan Avropa mallarına 15%-lik rüsum tətbiqini nəzərdə tuturdu. Bundan əvvəl Tramp Avropa İttifaqına qarşı 30%-lik tariflər tətbiq etməklə hədələmişdi, lakin danışıqlar zamanı bu rəqəmi azaltmaq mümkün olmuşdu. Cavab olaraq Aİ ABŞ mallarına sıfır rüsum tətbiq etməyi qəbul etmişdi.
Bundan əlavə, sazişdə Aİ-nin ABŞ-dən 750 milyard dollar dəyərində enerji daşıyıcıları alacağı, ABŞ iqtisadiyyatına 600 milyard dollar investisiya yatıracağı, həmçinin Trampın sözlərinə görə, “çox böyük həcmdə” hərbi texnika alacağı qeyd olunurdu.
