Porsche AG şirkəti Almaniyada 4 min iş yerinin ixtisarına hazırlaşır. Bu barədə Handelsblatt qəzeti məlumat yayıb.
İxtisarlar əsasən idarəetmə və inzibati heyətə təsir edəcək. Bundan əlavə, şirkət Ştutqartın şimal-qərbində yerləşən Vaysaxdakı mühəndislik və tədqiqat mərkəzinin istehsal gücünün 30% azaldılması imkanını da nəzərdən keçirir.
Qəzet xatırladır ki, Porsche artıq 2029-cu ilədək 1,9 min iş yerinin ixtisarını planlaşdırıb.
Porsche-nin nümayəndəsi ixtisarların dəqiq sayını təsdiqləməkdən imtina edib, lakin hazırda şirkətin fəaliyyətinin optimallaşdırılması üzrə geniş tədbirlər paketinin hazırlandığını bildirib. Bu planın iyulun sonuna qədər təqdim olunacağı gözlənilir.
