Kir Starmer Böyük Britaniyanın Baş naziri vəzifəsində fəaliyyətinin başa çatdığını bildirib və xələfi Endi Börnhemə uğurlar arzulayıb.
“Sizə və bu böyük ölkəyə Baş nazir kimi xidmət etmək mənim üçün həyatımın ən böyük şərəfi olub. Əminəm ki, bu gün Böyük Britaniya iki il əvvəlkindən daha güclü və daha ədalətlidir”, – deyə Starmer son müraciətində bildirib.
O, yoxsulluq səviyyəsinin və immiqrasiyanın azaldılmasını, ölkənin müdafiə qabiliyyətinin gücləndirilməsini və beynəlxalq nüfuzunun artırılmasını öz fəaliyyətinin əsas nailiyyətləri kimi göstərib. Starmer həmçinin krallığı “düşmənlərin parçalanma yaratmaq üçün heç nədən çəkinmədiyi bir dünyada” birliyi qorumağa çağırıb.
Müraciətdən sonra Starmer istefa ərizəsini kral III Çarlza təqdim etmək üçün Bukingem sarayına yollanıb.
İyunun 22-də Starmer Leyboristlər Partiyasının lideri və Böyük Britaniyanın Baş naziri vəzifələrindən ayrılmaq niyyətində olduğunu açıqlamışdı. Siyasi böhran mayın 7-də keçirilən yerli özünüidarəetmə orqanlarına seçkilərdən sonra başlayıb. Seçkilərin nəticələrinə görə, Leyboristlər Partiyası ilk dəfə Uels parlamentinə nəzarəti itirib. İngiltərənin müxtəlif qanunverici orqanlarında leyboristlərin nümayəndələrinin sayı əvvəlki dövrlə müqayisədə 1,4 min nəfər azalıb.
