Sumqayıt Kimya Sənaye Parkının rezidenti “Agro-Tech Solutions” MMC-nin nizamnamə kapitalı son 6 ay ərzində yenidən artırılıb.
Banker.az xəbər verir ki, şirkətin nizamnamə kapitalı hazırda 10 milyon 90,5 min manat təşkil edir.
Bununla da kapital əvvəlki 9 milyon 580,5 min manat səviyyəsindən 510 min manat və ya 5,3% artırılıb.
Şirkətin nizamnamə kapitalı bundan əvvəl də artırılaraq 9 milyon 580,5 min manata çatdırılmışdı.
Xatırladaq ki, “Agro-Tech Solutions” MMC 2016-cı ildə təsis edilib. Şirkət müxtəlif bitki mühafizəsi məhsulları (pestisidlər) — o cümlədən insektisidlər, fungisidlər və herbisidlər olmaqla, ümumilikdə 145-dən çox kənd təsərrüfatı kimyəvi məhsulu istehsal edir. Şirkət Sumqayıt Kimya Sənaye Parkının rezidentidir.
