2026-cı ilin iyulunda Çin avtomobil istehsalçıları xarici bazarlara təxminən 540 min elektromobil ixrac ediblər. Rest of World Benchmark Mineral Intelligence-in hesabatına istinadən yazır ki, bu, aylıq rekord göstəricidir.
Eyni dövrdə Çin şirkətləri daxili bazarda təxminən 980 min elektromobil satıblar. İxracın daxili satışlara nisbəti illik müqayisədə 150% artıb: hazırda xaricdə satılan hər bir elektromobilə Çində satılan iki avtomobil düşür. 2025-ci ildə isə bu nisbət birə beş idi.
Dəyişikliyin əsas səbəbi daxili tələbin zəifləməsidir. 2026-cı ilin ilk yeddi ayında Çində elektromobil satışları 12% azalıb. Buna görə ixrac Çin avtomobil istehsalçıları üçün getdikcə daha çox “zərurət”ə çevrilir.
2026-cı ilin ilk yarısında Çin şirkətləri təxminən 2,4 milyon elektromobil ixrac ediblər. Bu, 2025-ci ilin eyni dövrü ilə müqayisədə iki dəfə çoxdur. Çin brendləri Tailand, Braziliya və Fars körfəzi ölkələri də daxil olmaqla xarici bazarlarda mövqelərini fəal şəkildə genişləndirirlər.
Bununla yanaşı, ixracın sürətli artımı artıq istehsal artıqlığı problemini də üzə çıxarır. Son 18 ay ərzində Çindən ixrac edilən 1 milyondan çox elektromobil hələ də satılmayıb.
