ABŞ Prezidenti Donald Trampın administrasiyası sentyabrın 29-dan etibarən bəzi spirtli içki, süd məhsulları və motosiklet növləri də daxil olmaqla, Kanada mallarının bir hissəsinin Birləşmiş Ştatlara tədarükünü qadağan etmək barədə qərar qəbul edib.
Banker.az xəbər verir ki, bu barədə Ağ Evin dərc etdiyi sənədlərdə bildirilib.
Qeyd olunub ki, tədbirlər Kanada tərəfinin ticarət sahəsindəki “ayrı-seçkilik” səbəbindən qəbul edilib.
Bundan əlavə, ABŞ barəsində 50% həcmində rüsumların tətbiq ediləcəyi Kanada məhsullarının adları siyahısını genişləndirib. Bu tədbirlər sentyabrın 15-də qüvvəyə minəcək. Sözügedən siyahıya bəzi alüminium və polad məmulatları, həmçinin mebel və kağız daxil edilib. Sement və texniki duz siyahıdan çıxarılıb.
Tramp daha əvvəl, sentyabrın 8-də ABŞ-nin aidiyyəti qurumlarına Kanada məhsullarını ildə 50 milyard dollarlıq dövlət satınalmaları planlarından xaric etməyi tapşırıb.
