“Abbas” Kredit İttifaqı 2022-ci ili 4 120 manat zərərlə başa vurub. 2021-ci ildə şirkətin zərəri 2 922 manat olub ki, bu da illik müqayisədə zərərin 41% artması deməkdir.
Banker.az bu barədə şirkətin maliyyə hesabatına istinadən xəbər verir.
Ötən il “Abbas” Kredit İttifaqının cəmi faiz gəlirləri 4 464 manat (əvvəlki ilə nisbətən 9% az), faiz xərcləri 834 manat (3.4 dəfə çox) təşkil edib.
Bu ilin yanvar ayının 1-nə “Abbas” Kredit İttifaqının cəmi aktivləri 21 960 manat olub ki, bu da 2021-ci ilin eyni dövrünə nisbətən 3.4 dəfə kiçilmədir. Bunun 18 520 manatı isə müştərilərə verilmiş kreditlərdir. Belə ki, “Abbas” Kredit İttifaqının kredit portfeli 3.7 dəfə azalıb.
Hesabat dövründə kredit ittifaqının cəmi öhdəlikləri 1115 manat, cəmi kapitalı isə 20 845 manat təşkil edib.
Xatırladaq ki, “Abbas” Kredit İttifaqı 2003-cü ildə dövlət qeydiyyatına alınıb, nizamnamə kapitalı 4 min manatdır və qanuni təmsilçisi Razi Əhmədlidir.
