ABŞ Cənubi Koreyaya 800 milyon dollarlıq silah satacaq.
AZƏRTAC Anadolu Agentliyinə istinadla xəbər verir ki, bu barədə ABŞ Müdafiə Nazirliyinin nəzdində fəaliyyət göstərən Müdafiə Təhlükəsizlik Əməkdaşlığı Agentliyi məlumat yayıb.
Məlumata görə, Cənubi Koreyanın 12 MH-60R çoxməqsədli donanma vertolyotu və bir sıra digər hərbi sursatın alınması ilə bağlı təklifi Xarici İşlər Nazirliyi tərəfindən qəbul edilib və təsdiq üçün Konqresə təqdim edilib.
Cənubi Koreyanın satınalma ilə bağlı təklifinə 13 hərbi radar, 25 T-700-GE vertolyot mühərriki, min sualtı qayıq tapmaq üçün sonar sistemi, çox sayda fərqli rabitə avadanlığı, axtarış sistemləri və ehtiyat hissələri də daxildir.
