Amerika Birləşmiş Ştatlarında iyul ayının istehlakçı (CPI) qiymət indeksi Federal Ehtiyat Sisteminin növbəti iclasında faiz dərəcələrini azaltmağa başlamaq üçün yol açır.
Banker.az-ın “İnvestisiya” bölməsi bunu ABŞ KİV-nə istinadən xəbər verir.
Bu gün ABŞ-də iyunda qeydə alınan 3.0% illik inflyasiya iyulda 2.9%-ə düşdü və proqnozlaşdırlan 3.0% artımdan aşağı oldu.
Əmək bazarının zəifləmə əlamətləri göstərdiyi üçün FED-in sentyabr iclasında müzakirə faiz dərəcələrini ənənəvi olaraq 25 baza bəndi və ya daha böyük 50 baza bəndi ilə azaltmaq arasında olağı gözlənilir.
Çərşənbə günü açıqlanan inflyasiya məlumatları bu müzakirəni həll etmir. Əksinə, müzakirə böyük ehtimalla işsizlik müavinətləri üçün həftəlik müraciətlər və sentyabrın 6-da açıqlanacaq avqust ayının işəgötürmə hesabatı kimi əmək bazarına dair hesabatlarla müəyyən ediləcək.
Çərşənbə günü açıqlanan inflyasiya hesabatı mülayim olsa da, keçən ay mənzil xərclərində möhkəm artım hesabatla bağlı həvəsi zəiflədə bilər. Buna baxmayaraq, FED liderləri artıq növbəti ay faiz dərəcələrini azaltmağa başlamağa hazırlaşdıqlarını, qismən də may və iyun aylarında inflyasiya göstəricilərinin daha yumşaq olduğunu bildirmişdilər.
FED-in üstünlük verdiyi inflyasiya göstəricisi üzrə iyul hesabatı bu ayın sonunda açıqlanacaq. Rəsmilərin sentyabrın 17-18-də keçiriləcək iclasına qədər bu hesabatı və avqust ayı üçün daha bir inflyasiya göstəricisini nəzərə alacaqlar.
Faiz dərəcəsinin azaldılması qaçılmaz olduğuna görə, həmin iclasda diqqət qərarın yekdilliklə qəbul olunmasına və siyasətçilərin borcalma xərclərini nə qədər aşağı salmaq niyyətində olmalarına yönələcək.
Həmin iclasda rəsmilər ilin son iki iclasında, noyabr və dekabrda neçə faiz endirimi gözlədiklərini göstərəcək yeni iqtisadi və faiz dərəcəsi proqnozlarını təqdim edəcəklər.
Bu xəbərlər fonunda avro/dollar məşhur cütlüyünün məzənnəsi 2023-cü ilin dekabrının son günlərindən bu tərəfə maksimum səviyyə olan 1.1041 səviyyəsini test etdi. Bu sessiyada 0.41% artım deməkdir.
Altı əsas valyuta səbəti qarşısında ölçülən ABŞ dollarının indeksi – DXY bu gün 0.2% azalaraq 102.39 səviyyəsinə düşüb.
Dollar/yapon yeni 147 səviyyəsindən də aşağı düşdü. Baxmayaraq ki, Yaponiyada siyasi qeyri-müəyyənliklər yaranmağa başlayıb. Baş nazir Fumio Kisida növbəti aydan yenidən posta namizədliyini təsdiqləməyib.
