2026-cı ilin dördüncü rübündə ABŞ-də neft hasilatının həcmi bu xammalın qiymətinin düşməsi səbəbindən 13.3 milyon barrelə qədər azalacaq. Belə proqnozlar ABŞ-nin Enerji İnformasiya Administrasiyası (EIA) tərəfindən ölkənin enerji bazarındakı vəziyyətlə bağlı aylıq hesabatında yer alıb. Proqnozlar təsdiqlənərsə, bu, ABŞ-də pandemiyadan sonra neft hasilatının ilk azalması olacaq.
ABŞ bu rübdə gündəlik 13.5 milyon barel neft hasil edib. Bununla belə, ABŞ-də 442 qazma qurğusunun işlədiyi bildirilir ki, bu da 2024-cü ilin eyni dövrü ilə müqayisədə 50 ədəd azdır. İstehsalçılar neft qiymətlərinin aşağı düşməsinə kapital xərclərini azaltmaqla cavab veriblər.
Enerji İnformasiya Administrasiyası əmtəə ehtiyatlarının artması ilə neft qiymətlərinin daha da düşəcəyini gözləyir. Agentlik hesab edir ki, bir barel neftin qiyməti 2025-ci ilin sonuna kimi hazırkı 64 dollardan 61 dollara, 2026-cı ildə isə 59 dollara düşəcək. Texasda hasil edilən WTI markalı xam neftin qiyməti hazırda 65 dollardan bir qədər aşağıdır ki, bu da şist yataqlarında işləyən şirkətlərin rentabellik səviyyəsindən azdır.
“Financial Times”ın sitat gətirdiyi “Quantum Capital Group”un rəhbəri Uil Vanlonun qeyd etdiyi kimi, “indiki ABŞ administrasiyası çoxlu xaos yaradır” və “onun heç bir planı yoxdur”.
