Mayamidə (Florida ştatı, ABŞ) çoxmərtəbəli yaşayış binası çöküb, bu barədə yüksək rütbəli məmura istinadən “ABC” telekanalı məlumat yayıb.
Banker.az bu barədə “RBK”ya istinadən xəbər verir ki, hadisə nəticəsində minimum üç nəfərin öldüyü və 99 nəfərin itkin düşdüyü bildirilir.
Mayami yanğınsöndürmə xidmətinin verdiyi məlumata görə, axtarış-xilasetmə işlərinin ilk saatlarında binanın içərisində olan 35 nəfər xilas edilib. Onlardan 10 nəfər yaralı olub və xəstəxanaya yerləşdirilib.
JUST IN: 7News has obtained surveillance video of the moment the Champlain Towers South Condo collapsed in Surfside early this morning.
According to a fire official, 35 people were pulled from the collapsed building. Search and rescue efforts ongoing. https://t.co/Ac7KgnJOSO pic.twitter.com/oeczbumRG9
— WSVN 7 News (@wsvn) June 24, 2021
Qeyd edilir ki, hadisə yerinə Paraqvayın birinci xanımı Silvana Lopes Moreyra de Abdo da gəlib. Məlumata görə, onun bacısı Sofiya və ailəsi məhz bu binada yaşayıb.
Hal-hazırda 12 mərtəbəli kondominiumun çökməsi səbəbləri araşdırılır. Ümumilikdə yaşayış binasında 135 mənzil olub, onlardan 55-i uçub. ABŞ prezidenti Co Bayden hadisə ilə bağlı Floridada fövqəladə vəziyyət elan edib.
