ABŞ-nin mərkəzi bank fuksiyasında olan Federal Ehtiyat Sistemi (FED) uçot faiz dərəcəsini gözlənildiyi kimi 5.25%-5.50% aralığında saxladı.
Banker.az bunu FED-in press-relizinə istinadən xəbər verir.
Bununla da mərkəzi bank dördüncü iclasdır ki, faizlərə toxnmayır.
“FedWatch” alətinə görə, FED qərarından əvvəl faiz dərəcələrinin dəyişməz qalma ehtimalı 93.8% olub. Qalan 6.2% isə 25 baza bəndi nisbətində azalma nəticəsində yaranıb.
FED 2022-ci ilin martında uçot dərəcəsini artırmağa başlayıb. 2023-cü ilin iyul ayına qədər nisbət sıfıra yaxın səviyyədən 5.25-5.5%-ə yüksəldi – 2001-ci ildən bəri maksimum. Əvvəlki üç iclasda tənzimləyici faiz dərəcəsini dəyişməyərək dayandırıb.
Növbəti faiz iclası 19-20 mart 2024-cü il tarixlərində baş tutacaq, bundan sonra FED faiz qərarı ilə birlikdə yeni makro proqnozlar təqdim edəcək.
Bazar, məzənnə fyuçersləri əsasında CME birjası tərəfindən hesablanan FedWatch alətindən alınan məlumatlara görə, ən çox ehtimal olunan ssenarini 25 baza bəndi nisbətində azalma hesab edir. Yanvarın 31-nə belə bir qərarın qəbul edilməsi ehtimalı 60.3% qiymətləndirilib.
Əksər iqtisadçılar 2024-cü ilin ikinci rübündə dərəcələrin azaldılmasını gözləyirlər (Reuters tərəfindən sorğuda iştirak edən 123 nəfərdən 86-sı). Onlardan demək olar ki, 45%-i və ya 55 iqtisadçı iyunun əvvəli, 31-i isə mayın haqqında danışıb. Yalnız 16 respondent mart ayında azalma olduğunu ehtimal edir.
