ABŞ-ın maliyyə nazirliyi funksiyasında olan Xəzinədarlıq Departamenti Rusiya borcuna qarşı sanksiyaları sərtləşdirərək, ABŞ investorlarına Rusiyanın suveren və korporativ istiqrazlarının təkrar bazarda alınmasını faktiki olaraq qadağan edib.
Rusiya dövlət istiqrazlarının təkrar bazarda alınmasına qoyulan qadağa ABŞ-ın fevralın 23-də “DNR” və “LNR”in müstəqilliyinin tanınmasına cavab olaraq elan etdiyi sanksiyalar paketinin bir hissəsi idi.
Lakin alış qadağası yalnız martın 1-dən sonra buraxılmış Rusiya dövlət istiqrazlarına şamil edilib və artıq dövriyyədə olan emissiyalara şamil edilməyib.
Aprel ayında ABŞ Rusiyaya yeni investisiyaya tam qadağa qoyub.
“Bloomberg” bildirir ki, amerikalı investorlar Rusiya istiqrazlarına sahib ola bilər, həm də onları sata bilər, lakin onların təkrar bazarda almasına icazə verilmir. Bu halda alqı-satqı qadağası təkcə dövlətə deyil, korporativ istiqrazlara da şamil edilir.
Yeni məhdudiyyətlər portfellərində Rusiya borc qiymətli kağızlarını saxlayan fondlara növbəti zərbə olacaq, çünki onlar istiqrazların potensial alıcılarının dairəsini əhəmiyyətli dərəcədə daraldır və onların dəyərinin qalan hissəsini vurur.
