ABŞ-nin dövlət borcu tarixdə ilk dəfə 35 trilyon dolları keçib. Xatırladaq ki, yanvarda ABŞ-nin dövlət borcu 34 trilyon dollara yüksəlib.
Nümayəndələr Palatasının Komitəsinin hesabatında deyilir ki, ABŞ-nin hazırkı dövlət borcu adambaşına 104 min dollara və ya ailə başına 266 min dollara bərabərdir. Materialda o da göstərilir ki, ABŞ prezidenti Co Bayden 2021-ci ildə vəzifəyə gəldikdən sonra dövlət borcu 7.25 trilyon dollar artıb.
Konqresin düdcə idarəsi 2034-cü ilə qədər ABŞ-nin milli borcunun 50.7 trilyon dollara və ya ölkənin ÜDM-nin 122%-nə qədər artacağını proqnozlaşdırır. ABŞ Maliyyə Naziri Janet Yellen ölkənin milli borcunun “olduqca idarə oluna bilən” olduğunu, lakin gələcəkdə səlahiyyətlilərin kəsirin azaldılmasını təmin etmək üçün tədbirlər görməli olacağını söyləyib.
