ABŞ dövlət katibi Antoni Blinken Ukraynaya hava hücumundan müdafiə, artilleriya və tank əleyhinə silahlardan ibarət 150 milyon dollar dəyərində yeni hərbi yardım paketini açıqlayıb. Danimarka hökuməti həmçinin Ukraynaya 3.7 milyon dollarlıq yeni dəstək paketi barədə qərar qəbul edib.
Cənab Blinken bildirib ki, bu paket Ukrayna silahlı qüvvələrinə əks-hücum əməliyyatında “proqress əldə etməyə davam etməyə” kömək edəcək.
Danimarka Müdafiə Nazirliyinin məlumatına görə, yardım paketinə artilleriya sursatları, piyadaların döyüş maşınları, T-72EA tankları, zirehli təmir və bərpa maşınları daxildir. Sonuncular Almaniya ilə əməkdaşlıq çərçivəsində maliyyələşdirilir.
Amerika hərbi departamentinin məlumatına görə, Rusiyanın Ukrayna ərazisində hərbi əməliyyatları başlayandan bəri ABŞ Ukrayna Silahlı Qüvvələrinə 43.9 milyard dollardan çox silah və hərbi texnika verib. Əvvəlki paketə 200 milyon dollarlıq aviasiya sursatları, tank əleyhinə silah və PUA-lar daxil olub.
