Hər zaman müştərilərinə innovativ Bank xidmətləri təqdim edən AFB Bank yeni Mobil tətbiqini təqdim etdi.
AFB Bankın müştəriləri sadə şəkildə qeydiyyatdan keçməklə, mobil tətbiqi istifadə edə bilər. Qeydiyyatının asanlığı, istifadəsinin sadəliyi və müxtəlif funksionallıqları ilə fərqlənən yeni Mobil tətbiq ənənəvi bankçılıqda olan bir çox əməliyyatı məsafədən, sürətli və dərhal yerinə yetirməyə imkan verir. Artıq Bankın müştəriləri hesabları, kartları, kredit və depozitlərini banka gəlmədən asanlıqla idarə edə bilərlər. Həmçinin yeni Mobil tətbiq vasitəsilə kommunal ödəniş və köçürmələrin həyata keçirilməsi, konvertasiya əməliyyatlarının aparılması, kart və digər hesablara köçürmələrin edilməsi, kredit ödənişlərinin həyata keçirilməsi, ödəniş şablonlarının yaradılması mümkündür. Fiziki şəxslər üçün hazırlanmış yeni Mobil tətbiqi Google Play Store və ya Apple App Store-dan mobil telefona yükləmək olar.
Mobil tətbiqi aşağıdakı linklər və ya QR kod vasitəsilə birbaşa yükləmək də mümkündür.
Play Store: https://play.google.com/store/apps/details?id=az.afbbank
App Store: https://apps.apple.com/az/app/afb-bank/id1501308969
Hazırda 11 filial və 5 şöbəsi ilə fəaliyyət göstərən ölkənin aparıcı maliyyə qurumlarından olan “AFB Bank” ASC öz fəaliyyətinə 2009-cu ilin fevral ayında başlamışdır. Daim yenilənən xidmətlər barədə daha ətraflı məlumatı www.afb.az saytından, 1545 zəng mərkəzindən və ya Bankın müxtəlif sosial şəbəkələrdə olan səhifələrindən əldə edə bilərsiniz.
