ABŞ prezidenti administrasiyası Konqresə 87,6 milyard dollar həcmində əlavə maliyyələşdirmə ayrılması ilə bağlı sorğu göndərib. Vəsaitin bir hissəsinin İranla müharibə üçün nəzərdə tutulduğu bildirilir. Bu barədə CNBC telekanalı məlumat yayıb.
Məlumata görə, sorğunu Ağ Evin İnzibati-Büdcə İdarəsinin direktoru Rassel Vout Nümayəndələr Palatasının spikeri Mayk Consona göndərib.
Sənədə əsasən, 21 milyard dollar Pentaqon üçün sursat alınmasına və ABŞ-тшт hərbi-sənaye bazasının gücləndirilməsinə, 1,4 milyard dollar Ebola virusuna qarşı mübarizəyə, 768 milyon dollar nüvə və enerji təhlükəsizliyinin təmin edilməsinə, 10 milyard dollar ABŞ fermerlərinin dəstəklənməsinə, 500 milyon dollar Vaşinqtonda bərpa və tikinti layihələrinə, 1 milyard dollar isə Nyu-Yorkdakı vağzallardan birinin yenidən qurulmasına ayrılması nəzərdə tutulur.
CNBC qeyd edir ki, 2026-cı il aralıq seçkiləri ərəfəsində respublikaçılar üçün “populyar olmayan müharibənin maliyyələşdirilməsinə” səs vermək siyasi baxımdan çətin vəziyyət yarada bilər.
