“Əsassız əlillik təyinatının aşkarlanması və ləğv edilməsi agentliyin qarşısında duran ən prioritet məsələlərdən biridir”.
Bunu Dövlət Tibbi-Sosial Ekspertiza və Reabilitasiya Agentliyinin Tibbi-Sosial Ekspertiza xidmətinin təşkili departamentinin müdir müavini İlkin Yusifov deyib.
Onun sözlərinə görə, agentlik tərəfindən mütəmadi olaraq monitorinq və araşdırmalar, elcə də əyani müayinələr davam edir: “Son 3 ildə 17 mindən çox əsassız əlillik təyinatı aşkarlanaraq ləğv edilib. Araşdırmalar həm sənəd üzərində, həm də əlillik təyinatı aparılmış şəxs haqqında müxtəlif dövlət strukturlarından daxil olan məlumatlar, həm də əyani müayinələr əsasında aparılır. Əsassız təyin edilmiş əlillik dərəcələri dayandırılır”.
