8 C
Baku
Thursday, March 28, 2024

AİB-lə 2019-2023-cü illər üzrə tərəfdaşlıq strategiyası müzakirə olunub

Maliyyə naziri Samir Şərifov Bakıda səfərdə olan Asiya İnkişaf Bankının (AİB) vitse-prezidenti Vençay Janqın başçılıq etdiyi nümayəndə heyətini qəbul edib.

Nazirlikdən Bamker.az-a verilən məlumata görə, görüşdə Azərbaycan ilə AİB arasında əməkdaşlığın hazırki vəziyyəti və gələcək istiqamətləri, o cümlədən 2019-2023-cü illəri əhatə edəcək ölkə üzrə tərəfdaşlıq strategiyası müzakirə olunub, birgə həyata keçirilən elektrik enerjisi, nəqliyyat – yol şəbəkəsi və dəmir yolu, su təchizatı layihələrinin icra vəziyyəti nəzərdən keçirilib. Xüsusilə, AİB-nın ölkəmizin makroiqtisadi sabitliyinə, dövlət sektorunda effektivliyin artırılmasına, Cənub Qaz Dəhlizinin maliyyələşdirilməsinə, Şimal-Cənub nəqliyyat dəhlizinin bir hissəsinin yenidən qurulmasına verdiyi dəstək vurğulanıb.

Görüş zamanı həmçinin, bir sıra sahələrdə texniki yardımlar, eləcə də islahatyönümlü layihələr, maliyyə idarəçiliyi və digər sahələr üzrə fikir mübadiləsi aparılıb.

1966-cı ildə təsis edilən Asiya İnkişaf Bankının əsas məqsədi üzv ölkələrin iqtisadi inkişafına dəstək olmaqla yoxsulluğun aradan qaldırılması və əhalinin həyat səviyyəsinin yaxşılaşdırılmasına yardım etməkdir. AİB-ə 48-i regional və 19-u qeyri-regional olmaqla, 67 ölkə üzvdür. Bankın baş ofisi Filippin Respublikasının paytaxtı Manila şəhərində yerləşir.

Son xəbərlər
Digər xəbərlər