Google şirkəti hal-hazırda Android 11 üzərində işləyir və bu günlərdə Developer Preview 4 versiyasını tərtibatçılara təqdim etdi. DP 4 versiyasında bəzi yeni funksiyalar kəşf olundu. Bunlar Android 11-in yeni bildirişlərlə bağlı funksiyalarıdır. Bunlardan ilki bildiriş panelində göstərilən bildirişə basılı tutaraq bəzi yeni funksiyaları istifadə etməyə imkan verən yenilikdir.
Android 11 ilə bildirişlərin üzərinə basılı tutaraq 3 yeni funksiyanı işə salmaq mümkün olacaq!
Şəkildən göründüyü kimi bildirişin üzərinə basılı tutaraq səssizə almaq, bildirişləri gecikdirmək və favorit olaraq seçmək mümkündür. Bildirişin kənarında görünən çarxa daxil olduğumuzda isə tətbiqin bildiriş ayarlarını açmaq olur. Həmçinin Facebook Messenger-də olan Bubbles (Baloncuqlar) şəklində bildirişlərin göstərilməsi Android 11-in əsas yeniliklərindən biri olacaq. Yəni artıq smartfona bildiriş gələndə baloncuq şəklində göstərilə biləcək. Qeyd edək ki, Android 11 Avqust və ya Sentyabr aylarında tam stabil şəkildə istifadəyə veriləcək.
