Apple şirkəti 11 dekabr tarixində musiqi bəstələrinin tanınması üzrə xidmət olan Shazamı aldığını elan edə bilər.
Banker.az Techcrunch nəşrinə istinadən xəbər verir ki, müqavilənin dəyəri təqribən 400 milyon dollar təşkil etməlidir. Nəşrin müsahiblərinin səsləndirdikləri məbləğ, Shazam xidmətinin son investisiya raundu zamanı qiymətləndirildiyi dəyərdən əhəmiyyətli dərəcədə fərqlənir. Belə ki, Shazam 1 milyard dollar olaraq qiymətləndirilmişdi.
İnvestisiya fondları (Kleiner Perkins, DN Capital, IVP) və digər şirkətlər (Sony, Universal və Warner) bu zaman xidmətə təqribən 143,5 milyon dollar yatırmışdılar.
