“Apple” şirkətinin keçmiş əməkdaşı Dhirendra Prasad bir neçə cinayətdə ittiham olunub.
Bu günlərdə təqdim edilən məhkəmə protokoluna görə, o, teleqraf və poçt fırıldaqçılığı, həmçinin çirkli pulların yuyulmasında günahlandırılıb.
2008-ci ilin dekabrından 2018-ci ilin dekabrına qədər Prasad “Apple”ın qlobal xidmət təchizat zəncirində alıcı kimi çalışıb və burada şirkət üçün malların alınmasına cavabdeh olub.
Prasadın işi tədarükçülərlə danışıqlar aparmaq və sifariş vermək olub. Şirkət ödənişləri “Apple”ın satınalma sisteminə yüklədiyi fakturalar əsasında həyata keçirib.
Prokurorların fikrincə, Prasad işəgötürənini aldatmaq komponentləri oğurlamaq, geri ödəmələr almaq və şirkəti heç vaxt almadığı şeylər üçün ödəməyə məcbur etmək kimi bir neçə fırıldaqçı mexanizmlərdə iştirak edib.
Bildirilib ki, “Apple” Prasadın hərəkətləri səbəbindən 10 milyon dollardan çox zərər çəkib.
O, həmçinin vergidən yayınmaqda da ittiham olunub.
