13 C
Baku
Friday, March 29, 2024

Aprel ayı üzrə əmək haqqı nə qədər dəyişəcək? (“Tibbi sığorta haqqında” Qanuna dəyişikliklər barədə)

Məlum olduğu kimi “Tibbi sığorta haqqında” Qanuna düzəlişlər 30.03.2020-ci il tarixli müvafiq qanunla təsdiqləndi. Bu dəyişikliklər bir qayda olaraq tibbi sığorta haqları üzrə əmək haqqından tutulmaların müddətini 01.04.2020-ci ildən 01.01.2021-ci ilə dəyişdi.

Bəs əmək haqqından hansı məbləğdə tutulmalar 2021-ci ilə qaldı?

Mövzu çərçivəsində qeyd edək ki, icbari tibbi sığorta haqqı dövlət və qeyri-dövlət sektoru, neft-qaz sahəsi və bu sahədən başqa digər sahələr olmaqla 2 cür ödənilir:

Dövlət sektoru üzrə əmək haqqının 8000 manatadək hissəsindən 2%, qeyri-dövlət sektoru üzrə isə 01.01.2022-ci ilədək 1%, 2022-dən isə 2%, 8000 manatdan yuxarı hissədə isə 0.5% icbari tibbi sığorta haqqı ödəniləcək.

Bununla da 500 AZN (gross) əmək haqqı alan işçi 2021-ci ilədək dövlət sektoru üzrə 10 AZN, qeyri-dövlət sektoru üzrə isə 5 AZN məbləğində əmək haqqından tutulmadan azad olundu.

Yekunda isə xatırladaq ki, hazırda əmək haqqından gəlir vergisi, məcburi dövlət sosial sığorta haqqı, işsizlikdən sığorta haqqı və bəzi müəssisələrdə həmkarlar ittifaqına tutulmalar həyata keçirilir.

Bu tutulmalarla bağlı blog.da ətraflı oxuya bilərsiniz.

Müəllif: Şəhriyar Həbilov

Son xəbərlər
Digər xəbərlər