Türkiyənin hərbi sənaye şirkəti olan “ASELSAN” son 13 ildə müdafiə sənayesi nəhəngləri arasında 49 pillə irəliləyib.
“Anadolu” xəbər verir ki, bunu şirkətin baş direktoru və idarə heyətinin sədri Haluk Görgün bildirib. O bildirib ki, 2008-ci ildə reytinq cədvəlində 97-ci pillədə qərarlaşan şirkət davamlı inkişaf tempini qoruyub və hazırda 48-ci pillədə yer alıb.
Qeyd edilib ki, “ASELSAN” 50-liyə daxil olan ilk Türkiyə şirkətidir. H.Görgünün sözlərinə görə, şirkət bu ilin birinci yarısında yerli və xarici müştərilərdən 711 milyon ABŞ dolları dəyərində sifariş alıb.
