Avropa Komissiyası ilk dəfə olaraq üzv dövlətlərin ordularının ehtiyatlarının artırılmasına və hərbi texnikanın təkmilləşdirilməsinə kömək etmək istiqamətində birgə silah tədarükü üçün maliyyə ayırmağı təklif edir.
Bu barədə Avropa İttifaqının daxili bazar məsələləri üzrə komissarı Therry Breton bildirib.
Onun sözlərinə görə, Aİ-yə ən azı üç üzv dövlətin konsorsiumlarına silah almaq üçün maliyyə stimulları veriləcək.
Bu addım Aİ-nin müdafiə xərclərinin artırılmasını koordinasiyalı satınalmalara yönəltməyə və daha böyük üzv dövlətlərin qitənin silah şirkətlərini inhisara almasının qarşısını almaq məqsədi daşıyır.
Bu təklif üzv dövlətlər və Aİ qanunvericiləri tərəfindən təsdiqlənərsə, 500 milyon avroluq təşəbbüs Brüsselin ilk dəfə Aİ vergi ödəyicilərinin pullarını birgə silah satınalmalarını maliyyələşdirmək üçün istifadə etmiş olacaq.
“Bu gün biz Avropanın müdafiə sahəsində inteqrasiyasında irəliyə doğru tarixi bir addım atırıq. Bu təşəbbüs Avropanın vahid və dəstəkləyici cavabından sonra Ukraynaya silah təhvil verməklə ehtiyatların bir hissəsini doldurmağa imkan verəcək. Və Avropa büdcəsindən töhfə verməklə biz birlikdə satın alma istiqamətində üzv dövlətlər üçün bir stimul yaradırıq. Bu, dövlət pullarını daha yaxşı xərcləməyə və Avropa sənaye bazamızı gücləndirməyə imkan verəcək”, – Aİ komissarı deyib.
Qeyd edək ki, Komissiya 2022-ci ildən 2024-cü ilə qədər Aİ büdcəsindən 500 milyon avro ayırmağı təklif edir.
