Avropa Mərkəzi Bankı (ECB) faiz dərəcələrini əvvəlki səviyyədə saxlayıb, bu barədə tənzimləyicinin mətbuat xidməti xəbər verib.
Depozit dərəcəsi, baza faiz dərəcəsi və marjinal borclanma dərəcəsi eyni dəyərlərdə qalacaq: müvafiq olaraq 2,00%, 2,15% və 2,40%.
İyulun 3-də “Financial Times” yazıb ki, ECB avronu zəiflətmək istəyir, çünki güclü valyuta inflyasiyanın hədəflərinə çatmamaq riskini artırır. FT yazır ki, Avropa valyutası son dörd ilin ən yüksək səviyyəsinə çatıb.
