Avropa Mərkəzi Bankı (ECB) gözlənildiyi kimi uçot faiz dərəcəsini 50 baza bəndi qaldırıb.
Banker.az xəbər requlyatorun press-relizinə istinadən verir ki, ECB uçot faiz dərəcəsini inflyasiyanı cilovlamaq məqsədi ilə 3.00%-dən 3.50%-ə yüksəldib. Bu da 2008-ci ilin oktyabrından bu tərəfə ən yüksək həddir.
ECB uçot faiz dərəcəsinin depozit (aşağı həddi) faizini 2.50%-dən 3.00%-ə, borclanma həddini (yuxarı) 3.25%-dən 3.75%-ə yüksəldib.
ECB heyəti hazırda inflyasiyanın 2023-cü ildə orta hesabla 5.3%, 2024-cü ildə 2.9% və 2025-ci ildə 2.1% olacağını öngörürlər.
Eyni zamanda ECB bildiirr ki, əsas qiymət təzyiqləri güclü olaraq qalır: “Enerji və qida istisna olmaqla inflyasiya fevral ayında artmağa davam edib və ECB heyəti bunun 2023-cü ildə orta hesabla 4.6% olacağını gözləyir ki, bu da dekabr proqnozlarında nəzərdə tutulandan yüksəkdir.
Daha sonra, 2024-cü ildə 2.5%-ə, 2025-ci ildə isə 2.2%-ə enəcəyi proqnozlaşdırılır, çünki keçmiş tədarük şoklarından və iqtisadiyyatın yenidən açılmasından yaranan yuxarı təzyiqlər azalır və daha sərt pul siyasəti tələbi getdikcə azaldır”.
