Avropa Mərkəzi Bankı depozit dərəcəsi 3,25%, marja kredit dərəcəsi 3,65%, əsas faiz dərəcəsi isə 3,4% təşkil edib.
Banker.az xəbər verir ki, bu, bu dövrdə üçüncü faiz dərəcəsinin azaldılmasıdır.
“İnflyasiya ilə bağlı daxil olan məlumatlar göstərir ki, dezinflyasiya prosesi plana uyğun gedir,” tənzimləyici mətbuat açıqlamasında qeyd edib. Eyni zamanda, ECB yaxın aylarda inflyasiyanın artacağını, lakin gələn il 2%-lik hədəf səviyyəsinə düşəcəyini gözləyir.
“İdarə Heyəti konkret faiz dərəcəsi trajektoriyası ilə bağlı əvvəlcədən öhdəlik götürmür,” sənəddə əlavə edilib.
Qərar bazar gözləntiləri ilə üst-üstə düşdü — Reuters tərəfindən sorğulanan 75 iqtisadçının 70-i belə bir nəticəni gözləyirdi. Qalan beş ekspert isə dərəcənin dəyişməyəcəyini düşünürdü.
Oktyabr ayında Avrozonada inflyasiya 2% olan ECB hədəfi ilə müqayisədə 1,8%-ə qədər yavaşlayıb. Əsas inflyasiya da 2022-ci ildən bəri ən aşağı səviyyə olan 2,7%-ə düşüb.
“Bank of America Global Research”in iqtisadçıları 2025-ci ilin iyununa qədər dərəcənin 2%-ə, 2025-ci ilin sonuna qədər isə 1,5%-ə düşməsini gözləyir.
