Avropanın batareya istehsal bazası olmaq əzmindəyik.
Bu barədə Türkiyə prezidenti Rəcəb Tayyib Ərdoğan danışıb.
“Elektrikli avtomobil akkumulyatorlarında artıq 70 gigavat-saatlıq istehsal gücünə çatmış bir ölkə olaraq, ən geci 2030-cu ilə qədər Avropanın akkumulyator istehsal bazası olmaq əzmindəyik. Bu kontekstdə biz Ford Otosan Qrupunun elektrikli avtomobil texnologiyasında atdığı addımları təqdirlə izləyirik. Keçən ilin aprel ayında istehsal xəttindən buraxılan Türkiyənin ilk kommersiya elektrikli avtomobili e-Transit ilə Ford Otosanın atdığı addımın davam edəcəyinə inanıram. Şübhə etmirəm ki, Ford Otosan bundan sonra da daxili yanma ilə işləyən kommersiya avtomobillərində olduğu kimi, elektrik ticari avtomobillərin istehsalı və satışında da ölkəmizin flaqmanı olmağa davam edəcək”,- deyə Ərdoğan bildirib.
Türkiyə prezidenti qeyd edib ki, əslində avtomobil sənayesindəki yeni inkişaflara uyğunlaşa bilməyən şirkətlərin kökləri nə qədər dərin olsa da, bir müddət sonra həyatda qalmaqda çətinlik çəkəcəkləri aydındır. Gələcəyin innovativ texnologiyalarına sərmayə qoyan Ford, gələcək əsrdə də sektordakı liderliyini qoruyub saxlamaq əzmi ilə yoluna davam etdiyini sübut edir. Bu gözəl fabrikin ölkəmizə gətirilməsində əməyi olan hər kəsi bir daha təbrik edirəm.
