Avstraliya Ehtiyat Bankı (RBA) baza dərəcəsinin artırılmasını təxirə salmaq qərarına gəlib və onu illik 3.6% səviyyəsində saxlayıb. Tənzimləyici bunu çərşənbə axşamı elan edərək, göstəricinin 2022-ci ilin may ayından bəri ilk dəfə eyni səviyyədə qaldığını qeyd edib.
RBA-nın məlumatına görə, “Avstraliyada inflyasiya hələ də çox yüksəkdir, bu, əsasən qlobal amillərlə, həm də iqtisadiyyatın bu tələbi ödəmək qabiliyyətinin aşağı olması fonunda güclü daxili tələblə bağlıdır”. “Cari iqtisadi göstəricilər ölkədə inflyasiyanın pik həddinə çatdığını və onun azalmasının yaxın aylarda davam edəcəyini göstərir”, – bank qeyd edir.
Avstraliya maliyyə tənzimləyicisi son 11 ay ərzində faiz dərəcələrini ardıcıl olaraq artırıb. Bankın 2023-cü ilin may ayının əvvəlində onu yenidən tənzimləyəcəyi gözlənilir.
